منتدى لمعجبين الفنانه احلاآم....
 
الرئيسيةالتسجيلدخول

شاطر | 
 

 كلمات البوم هذا انا

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
غادة
Admin
avatar

عدد المساهمات : 35
نقاط : 2059
تاريخ التسجيل : 19/04/2012

مُساهمةموضوع: كلمات البوم هذا انا   الإثنين مايو 28, 2012 7:07 pm

السلام عليكم ..
اليييوم جايبتلكمم كلمات واغاني البوم هذا انا..

هذا انا

كلمات: فيصل السديري
ألحان: سهم
توزيع: عصام الشرايطي

هذا أنا في وحدتي
بعدك على الله العوض
لا شفتني بمرايتي
غيرتني ماعدت أنا
بين على وجهي العنا
وصارت تعابير الحزن
تمحي تعابير الهنا
واتصنع البسمة عشان
الفرحة بوجهي تبـان
وشلون بس وبسمتي
وضع على الوجه انفرض
يالله على الله العوض
وشلون بس وكل شي
أيام قربك كان حي
واليوم مابين الحياة والموت
لاتحزن علي !
لا شفتني بعدك حزين
باكر تفرحني السنين
مدام بعدك قسمتي
ماني على امر الله معترض
يالله على الله العوض
بصبر وانا ياما صبرت
وياما قدرت و ماقدرت
اجني ثمر طول الصبر
وياما من احبابي خسرت
بس انت مابي اخسرك
دايم بشوق اتذكرك
وصورة قبال مرايتي
كل يوم تجمعنا بعض
يالله على الله العوض






آخر الأخبار

كلمات: سعود الشربتلي
ألحان: عبدالله القعود
توزيع: طارق عاكف

سمعت اخر الاخبار؟
نسيته قلبك الغدار
عيوني صارت لغيرك
وقلبي من يدينك طار
غرامي وحبي الاول
بقدرة قادر اتبدل
على المكشوف ما اخجل
قلبي غيرك انته اختار
لقيت اللي يناسبني
وعن ظلمك يعوضني
بصراحه فيه مجنني
موت بحسرتك واحتار
عيوني صارت لغيرك
وقلبي من ايدينك طار
خل عنادك يفيدك
سحبت ايديني من ايدك
ازيدك جرح و ازيدك
واكمل بعدك المشوار
عيوني صارت لغيرك
وقلبي من ايدينك طار






طبعي كذا

كلمات: فيصل بن خالد بن سلطان
ألحان: محمد بودله
توزيع: خالد عز

انا طبعي كذا
وعاجبني طبعي اللي فيني
انا ماروح لأحد
واللي يبيني يجيني
مابيك تفهم غلط
ولاتفسرها غرور !
واضح انا في كلامي
ولا الف ولا ادور
لاتفكر مرة تزعل
ياحبيبي من الحبيب
وانت تدري اني احبك
ومابي عنك أغيب
يعني لو ودي اشوفك
مب كل لحظة اجيك
حتى لو طولت عنك
لاتحسبني ما ابيك






توك فضيت

كلمات: فيصل بن خالد بن سلطان
ألحان: فيصل الراشد
توزيع: خالد عز

توك فضيت وتوك الحين لي جيت
توني أجي الحين عندك في بالك
انت الذي عني لأول تخليت
يومي من أول كنت كلي حلالك
أخطيت في حقي وأنامثلك أخطيت
اني عطيتك فوق حتى خيالك
جرحتني ..سامحت.. جيتك.. تغليت
واليوم هجراني لقلبك وبالك
قد قلت لك لا تبتعد وانت عييت
وأبعدت لين الهم بعدي صفالك
من بعد ماعلمك وقتك وعانيت
بقو عين تقول لي كيف حالك؟
تراك مع غيرك بقلبي تساويت
والله يعين باللذي قد جرالك
عادي ولاهمني يوم صديت
بس التفت ويصير عندي بدالك





اوريكم فيه

كلمات: منصور الواوان
ألحان: فيصل الراشد
توزيع: طارق عاكف

هذا اللي شايف نفسه
ماشي ولا معبرني
يتلفت هنا وهناك
ولا كنه شايفني
والله لا أوريكم فيه
والله أنا لا ما اخليه
مو هوه لعب وياي ؟
خلوه يتحملني
نسى ليالي بيروت
لما قالي بحبك موت
وهلأ جنبي عم بيفوت
ولا كنه شايفني
ولما التقيته بجده
شايل لي بايده ورده
يبغاني أبقى عنده
يحلف ولا يفارقني
في القاهرة ع الكورنيش
قلي من غيرك ما اقدر اعيش
دلوقتي مابيعرفنيش
ولا كنه شايفني
وأول لقا في الكويت
آمرني قلبي وحبيت
ولا كنه شايفني
في المغرب كان معايه
عشنا بالحب حكايه
مو باغوا داب حكايه
ولا كنه شايفني
وينه كلامه بدبي ؟
غالي عندي وأغلى شي
والحين مايرمسني
ولا كنه شايفني
والله انا لا اوريكم فيه
والله انا لا ما اخليه
مو هوه لعب وياي ؟
خلوه يتحملني






شسويلك

كلمات: عبدالله بو دله
ألحان: محمد بو دله
توزيع: مدحت خميس

شسويلك عشان تحبني وتبدع بحبي لك
أنا عن جد معاك متعب(ن) نفسي
يمر يومي علي وياك مثل أمسي
لين أصبحت متناقض بحبي لك
أجي أدعي عليك تلقاني أدعي لك ,, شسويلك؟
ياعمري الجاي والباقي من سنيني
أنا أحبك وأحسك ساكن(ن) فيني
ولو حاولت أبعد عنك لو لحظات
شسوي الشوق لك بالذات يوديني
لين أصبحت متناقض وبحبي لك أجي أدعي
عليك تلقاني أدعي لك ,, شسويلك؟
معاك أتعب ولاني عارف(ن) ذنبي
ولا أثر فيك لا بعدي ولا قربي
أنا بالي عليك كثير طولته
متى بتحس في شوقي وفي حبي
لين أصبحت متناقض بحبي لك
أجي أدعي عليك تلقاني أدعي لك ,, شسويلك؟






ويلك

كلمات: منصور الواوان
ألحان: محمد بودله
توزيع: وليد فايد

خل بالك تزل عينك
هنا ولا هنا ويلك
ترى قلبي مو بس يغار
عليه غيره تهد ديار
كل شي فيك انا ليا
روحك قلبك عيونك
تبي تقول انا مجنون
ايوا انا مجنونك!
اغار من الهوى وثوبك
واغار تخيل من اهلك
وانا ظلي وهو ظلي
اغار ان قرب من ظلك
حسك تبتسم حسك
او تتلفت لغيري
انته ملكي لوحدي
بكيفي وهذا تفكيري!





عساك بخير

كلمات: فهد التوم
ألحان: محمد بودله
توزيع: طارق عاكف

عساك بخير
كثر مايحمل احساسك
نوايا خير
وكثر ماقلبي يتمنى
تكون بخير
تعبت اسأل عليك الناس
واطمن قلبي والاحســاس
وانك لو بعدت بخير
عساك بخير
تعبت اناظر القمرة
عسى شوفك يجي بشوفي
تعب من ها الصدى صوتي
وتعبني عليك خوفي
وانك لو بعدت بخير
عساك بخير
غريبة دنيتي بدونك
أشوف وفاقد عيونك
ولا ادري كيف انا للحين
اعيش ايامي من دونك
وانك لو بعدت بخير
عساك بخير







فكوني منه

كلمات: منصور الواوان
ألحان: محمد بودله
توزيع: وليد فايد

فكوني منه لا اموت صرت مدمن شوفته
لو دقايق غاب عني قلبي تضعف دقته
ليتني غمضت عيني قبل عيني شافته
أنا جرحه عني رقه والحنان بقسوته
وناره بالنسبة لي جنه وكيف عندي جنته؟
ليتني غمضت عيني قبل عيني شافته
امنعوني من غرامه وكرهوني بسيرته
حاولوا تشوهون اسمه في عيني وصورته
ليتني غمضت عيني قبل عيني شافته






مابه جديد

كلمات: سعود بن عبدالله
ألحان: سهمتوزيع: خالد عز

مابه جديد الا انت
في صحوتي كنت انت
في نومتي كنت إنت
ياشاغلـ(ن) هالبال
يالحب وايامه
ياشهره وعامه
لو فالغلا هامه
كان انت فيها العالِ.
لو في الصدر قلبين
اسكن بهم الاثنين
وان جاز لك بالعين
اسكن بها يالغال.
ياهناك وهنيا
يالشمس والفيّا
القلب بيديا
اشكي عليك الحال
صوت لك ياللي
فيك العمر كلي
غيرك انا من لي؟
الحب لك مازال.
قولوا له اني حيل
لا مابقى بي حيل
واني على ماقلت
في رحلته رحلت.






ناوي تروح

كلمات: خالد البذال
ألحان: أنور عبدالله
توزيع: وليد فايد

ناوي تروح وتشعل الشوق فيني
دايم في عينك نيتك نية فراق
ناوي تروح وتشعل الشوق فيني
من غير ماتحكي احس الفضى ضاق
واحس كل الكون ضايق في عيني
يامحرم العشاق للحب عشاق
ابيك عن جور الزمن تحتويني
ياشمس عمري في عيوني ليك اشراق
لك في حنايا الروح دفيني
انت السحاب اللي
يمطر على روحي ويزهر سنيني
مشتاق اضمك حيل مشتاق
خايف يموت الحب بينك وبيني







صدقت

كلمات: سعود بن ممدوح
ألحان: محمد بودله
توزيع: وليد فايد

صدقت باللي حكالك
ورحت أبد عني
ماظني أنسى عقب
فرقاك وغيابك
ما اقول الا قسم بالله ظالمني
الله حسيبك يجيلك يوم بحسابك

تهتم بإنك تكون انسان متهني
وماتحس غيرك يذوق المر باسبابك
حديت روحي على عيشتك لكني
لقيت اكثر بعيد(ن) دربي من بابك

جرعتني من الم فرقاك مع اني
افدابك العمر .. وكل العمر يفدابك
والله خسارة بعد هالعمر تتركني
ارخصت باللي رخص دنياه اسبابك







شاري الفرقا

كلمات: سعود بن ممدوح
ألحان: ياسين
توزيع: محمد الخطيب

ألا يا شاري الفرقه
تراني بايع الجمعه
عسى منهو جمعني بك
يسليك ويسليني
من اللي قالك ارجع
عشان تمن بالرجعه
ترى ماقلت غير الله
على بعدك يقويني
صحيح اني ابي حبك
ولكن ما اقبل بوضعه
أنا لو ماخذيت الكل
بعضك مايكفيني







تعودت الجراح

كلمات: عبدالله بو دله
ألحان: محمد بو دله
توزيع: مدحت خميس

تعودت الجراح وكثر الكذب والعذاب اللي تفرضه
وعمري اللي راح راح وأنا معك علمني منه يعوضه
بكيت من حر ما فيني بكيت
شقيت من زحمة همومي شقيت
ولا أحد فيني يحس كل من يحب نفسه وبس
وإنـت فيني تحس ياللـي تحب نفسك وبس
تعودت الجراح
ما أذكر إنك جيت يوم فرحتني ,, حتى من هـذه الحياة كرهتني
لين ابتديت حتى شوفك ما ابيه ,,بديت أكره قلبي لانك إنت فيه
بكيت من حر ما فيني بكيت
شقيت من زحمة همومي شقيـت
ولا أحد فيني يحس كل من يحب نفسه وبس
وإنـت فيني تحس ياللـي تحب نفسك وبس
تعودت الجراح

.....
.....
.....
والسلام عليكم ورحمة الله وبركاته.....

الرجوع الى أعلى الصفحة اذهب الى الأسفل
http://ahlam-love.forumarabia.com
MROOM
مشرفه
avatar

عدد المساهمات : 41
نقاط : 1997
تاريخ التسجيل : 24/05/2012
العمر : 21
الموقع : Kuwait♥

مُساهمةموضوع: رد: كلمات البوم هذا انا   الثلاثاء مايو 29, 2012 11:04 am

يعطيج الف عافيه

_________________

مانفترق لوفرق الموووت خلان اموت انا وياك والقبر دورين
الرجوع الى أعلى الصفحة اذهب الى الأسفل
 
كلمات البوم هذا انا
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى احلام الشامسي الرسمي :: كلمات اغاني احلام}....-
انتقل الى: